Ved austenden av Hornindalsvatnet - Europas djupaste innsjø (514 m) og ved den velkjende turistruta mellom Sunnmøre og Nordfjord, har BEST WESTERN  Raftevolds Hotel eksistert i meir enn 145 år. Ola M. Raftevold (1844-1942) kjøpte eit gammalt naust og innreidde det til skyss-stasjon i 1867. Sidan den tid har mykje forandra seg; hotellet har vorte utvida og modernisert fleire gonger, og det siste store tilbygget sto ferdig i 1975.

Hotellet har vore i same familien sidan starten til 2012, og det er no Jens Brokmann og Petra Wieth som tek seg av den daglege leiinga. BEST WESTERN Raftevold Hotel er eit moderne turisthotel der gammal gjestfridom og heimsleg atmosfære har følgt med frå først av. Her er 44 rom med bad, dusj, WC, balkong, radio, telefon og TV, romslege opphaldsrom, dansesal, bar, to spisesalar, TV-rom og kafe. Møtesal for kurs og konferansar.

BEST WESTERN Raftevolds Hotel er eit godt utgongspunkt for rundturar med bil eller buss til kjende turiststadar i distriktet.